Maraykanka ayaa aad uga walaacsan qorshaha Ruushka uu isugu faafinayo Qaaradda Afrika, welwelka Xukuumadda Washington ayaa sii kordhayay saddexdii sano ee lasoo dhaafay oo ku beegan markii Moscow ay faraha la gashay dagaalka Ukraine.
Ruushka ayaa samaystay saaxiibo si toos ah ugu xiran oo ku sugan Qaaradda Afrika iyada oo si aan ka gambasho lahayn ay u dhaceen dibadbaxyo lagu garab istaagay duullaanka Xukuumadda Moscow ay ku qaadday dhiggeeda Kyiv.
Maraykanka oo in muddo ah ka riixayay Ruushka iyo Shiinaha in ay galangal ku yeeshaan Afrika ayaa markaan ka walaacsan tallaabooyinka ay qaadayso Xukuumadda Moscow oo ay ku kasbatay saaxiibo badan oo Qaaradda ah.
Waxyaabaha inta badan kordhiyay cilaaqaadka Ruushka iyo Afrika ayay khubarrada si dhow uga xog-warranta ku sifeeyeen in Moscow ay gargaar bani aadamnimo siisay Dalalka saaxiibtinimada dheer la yeetay xili uu xaalka ku adag yahay.
Aragtida baahi-tirka Dalalka Geeska Afrika ee Ruushka uu sameeyay waxa uu soo jiitay Waddamo badan oo Qaaradda dhaca kuwaas oo ugu yaraan dalalkaan xiriirka fiican la wadaago Moscow mid weliba uu ka helay kaalmo bilaash ah.
