Miltariga Maraykanka ayaa dhameystiraya in uu asakrtiisa iyo qalabkiisaba kala baxo saldhiga ciidamada ciirka ee caasimadda Niger maanta oo Axada.
Kooxda milatariga ee xukunta dalka Niger ayaa ku amray xoogagga Maraykanka in ay isaga baxaan kaddib markii xukunka laga riday madaxweynihii la doortay.
Niger ayaa muddaba isbahaysi la ahayd Maraykanka, gaar ahaan dagaalka ka dhanka ah kooxaha kacdoonka ka wada dalalka saaxilka, kahor inta aanay aad ugu dhawaan Ruushka.
Maraykanka ayaa ugu dambeyn baneyn doona saldhiga cirka ee ku dhawaa magaalada Agdaez, Maraykanka ayaa raadinaya badal kale. Saraakisha Ameerikaanka ayaa kulamo la leh madax ka tirsan dalalka dariska la ah Niger ee galbeedka Afrika
Tiro yar oo kamid milatariga baxaya oo ay ku jiraan kuwa sida gaarka ah u tababaran ayaa tagaya wadamada dariska ah, halka intooda badan ay u guurayaan qaaradda Yurub.
Waxa jira calaamado muujinaya in xoogagga Ruushka ay la wareegi doonaan saldhiga Ameerikaanku baneynayo. Si kastaba ha ahaayee, Maraykanku waxa uu hoos u dhigay warrarka sheegaya in ciidamada Ruushku joogaan meel aan ka fogeyn halka saldhiga u ahayd askartood.
