Borama News Network

Militariga Suudaan oo sheegay in RSF uu ka qabsaday goobihii ugu dambeeyay ee Khartuum ka joogay

Militariga Suudaan ayaa sheegay in dagaallada ka dhacay Magaalada Khartuum xarunta Dalkaas ay ka gaareen guullo muhiim ah isla markaana Kooxda Gurmadka Degdega ah ee RSF loosoo gaabiyo ay ka qabsadeen goobtii ugu dambeysay oo ay joogeen.

Afhayeenka Militariga Suudaan, Sarreeye Guuto Nabiil Cabdullaahi Cali oo Warbaahinta la hadlay ayaa ku dhawaaqay in ay gacanta ku hayaan Taiba Al Xasanab oo katirsan deegaanka Jabal Awliya sida uu hadalka u dhigay.

Howlgalka socda ayuu ku tilmaamay in uu yahay mid loogu magac daray ‘Sifeynta Kooxda RSF’ waxaana uu ku faanay in guullo muhiim ah laga gaaray marka la eego maalmihii lasoo dhaafay goobaha gacantooda soo galay sida uu yiri.

Madaxtooyada Khartuum ayaa dhowaan gacanta dib ugu gashay Ciidamada Militariga ah ee sanado kahor afgambiyay madaxweynihii muddada dheer maamulayay waa Cumar Xasan Axmed Al-Bashiir oo haatan u xiran.

Kooxda RSF ayaa ku jabtay dagaalka, waxaa soo baxaya warar sheegaya in hoggaanka kooxdaas iyo Dalalkii garabka siinayay sida Isutagga Imaaraatka Carabta madmadow soo kala dhexgalay isla markaana arrintaasi saamayn taban ku reebtay.

Related posts

Madaxwaynaha Dalka Ruushka Vladamir Putin Oo Digniin Culus U Diray Reer Galbeedka

Abdiaziz Bnnstaff

Gudiga Anshaxa Oo Digniin u Diray Dadka Faafinaya Wararka Beenta Ah Ee Ku Saabsan Natiijada Codbinta

Abdiaziz Bnnstaff

Xukuumada Madaxwayne Ciro Oo Waxba Kama Jiraan Ku Tilmaamtay Doorashadii Maayirka Gabilay

Abdiaziz Bnnstaff