Madaxweynaha Federaalka Soomaaliya Xasan Sheekh Maxamuud iyo wafdi uu hoggaaminayo, ayaa lagu soo dhaweeyey magaalada Jabuuti, kaddib martiqaad uu ka helay dhiggiisa dalkaasi Ismaaciil Cumar Geelle.
Labada Madaxweyne ayaa ka wadahadli doona xoojinta arrimaha xiriirka ee ka dhaxeeya labada dal, iyaga oo la filaayo in ay diiradda saari doonaan iskaashiga dhinacyada amniga, dhaqaalaha, iyo arrimaha gobolka; iyada oo uu safarka ku weyliyay Wasiirka Gaashaan dhigga ee Xukuumadda Federaalka Soomaaliya.
Sidoo kale, inta uu ku gudajiro booqashadan halka maalin ah ayaa waxaa la isku soo qaadi doonaa arrimaha la xiriira wadaxaajoodyada danaha labada dal ee Jabuuto iyo Soomaaliya.
Safarka madaxweynaha ayaa ku soo aadayo xilli uu dhawaan ka soo laabtay safar uu ku tagay dalka Eretariye, isaga oo halkaas kula kulamay madaxweynaha dalkaasi.
