Ugu yaraan 18 qof ayaa ku dhintay halka 800 oo kalena ay ku dhaawacmeen kadib qarax xooggan oo ka dhacay mid ka mid ah dekadaha Iiraan ugu weyn, sida uu maamulku sheegay.
Qaraxa ayaa shalay subax ka dhacay Shahid Rajaee, oo ah dekadda ganacsi ee ugu weyn dalkaas, waxayna u dhowdahay magaalada koofureed ee Bandar Abbas.
Wuxuu sidoo kale la kacay daaqadaha iyo saqafyada dhismooyinka u dhow wuxuuna burburiyay gawaari. Dadka deegaanka ayaa sheegay inay saameynta qaraxa ka dareemeen meel ka fog 50km (31 meyl).
Muuqaallo ay BBC-du xaqiijisay ayaa muujinaya dab xooggan oo kacay kahor qaraxa, iyadoo dadku ay ka cararayeen qaraxa halka la arkayay qaar kale oo iyagoo dhaawac ah waddooyinki daadsan.
Shirkad arrimaha badda oo gaar loo leeyahay ayaa aaminsan in qaraxu ka dhashay kunteenarro ay ka buuxeen shidaal loogu talo-galay gantaallada, kuwaas oo aan si habboon loo maareyn.
