Guddoomiyaha gobolka Borno ee dalka Nigeria ayaa sheegay in ilaa laba milyan oo qof lagu qiyaasay inay hadda saameeyeen daadad ku dhuftay gobolka waqooyi bari.
Barasaabka, Babagana Zulum, ayaa BBC-da u sheegay in kala bar caasimadda gobolka, Maiduguri, ay biyo qariyeen kumanaan qofna ay haysato cunto yari iyo hoy la’aan. Daadadkan ayaa daba socda burbur gaaray biyo-xireen horraantii toddobaadkan kadib markii roobab xooggan ay da’een.
Milateriga Nigeria iyo shaqaalaha gurmadka deg degga ah ayaa isticmaalayay doonyo iyo gawaari si ay dadka u badbaadiyaan, waxaana QM ay cunto ka qeybineysaa dhowr xero.
. Dhammaan xuduudka Cameroon, kumanaan guri ayaa ku burburay daadadka. Chad, ugu yaraan saddex boqol oo qof ayaa ku dhintay roobab aan caadi ahayn oo toddobaadyo socday.
