Wasaaradda difaaca ee dalka Ruushka ayaa sheegtay in ciidamadeedu ay burburiyeen daraasiin diyaarado kuwa aan duuliyaha lahyn ah oo ku sugnaa gobollo badan oo dalkaasi kamid ah.
Weerarkii ugu weynaa ayaa ka dhacay gobolka Krasnodar ee koonfurta Ruushka, halkaasoo lala beegsaday warshad saliidda sifeysa. Saraakiisha dalka Ukraine ayaa ku waramaya in duqeymo cusub oo ay diyaaradaha Ruushka ka geysteen magaalada dekedda leh ee Odesa.
Weeraradan ayaa kusoo beegmaya xili dalka Ruushka ay ka dhaceyso doorasho guud oo muran badan dhalisay taasi oo madaxweyne Vladimir Putin u badan tahay inuu ku guulaysan doono.
Vladimir Rogov, oo ah hoggaamiyaha Ruushka u magacabay gobolka Zaporizhzhia ee Ukraine, ayaa Axaddii sheegay in laba diyaaradood oo aan duuliye lahayn oo Yukreeniyaan ah ay weerareen goob codbixineed – dabna qabadsiiyay dhismaha laakiin ma aysan geysan wax dhimasho ama dhaawac ah.
