Boqorka dalka Sacuudiga Boqor Salmaan ayaa ku baaqay in maanta oo Khamiis ah dalka oo dhan lagu tukado salaad, Roob-doon ah sida lagu sheegay bayaan la soo saaray
Boqorka ayaa ku baaqay in la tukado Salaadda Roob-doonta, taasoo ka sugnaatay Nebi Muxamed (NNKH), oo marka abaaru dhacdo waxaa Alle la waydiistaa roob khayr qaba oo lagu barwaaqoobo.
Boqorka ayaa sidoo kale ka codsaday dhammaan Muslimiinta in ay duceystaan dambi dhaafna ay Alle waydiistaan una toobad-keenaan.
Waxa kale oo uu ka codsaday dadka in ay badiyaan wax yaabaha naxariista ah oo Alle SWT, ay ugu dhawaadaan, sida sadaqada iyo ducada si Alle ugu naxariisto.
