Borama News Network

Soomaaliya Iyo Hindiya oo kawada hadlay fududaynta Dalka ku galka

Wasiirka Arrimaha Gudaha, Federaalka & Dib u heshiisiinta Xukuuumadda Federaalka Soomaaliya Axmed Macallin Fiqi iyo Xoghayaha Wadaagga ah ee Wasaaradda Arrimaha Dibadda ee Dalka Hindiya Dr Sureh Kumar ayaa kawada hadlay fududaynta Dal ku galka Dalkaas.

Fiqi & Kumar ayaa diiradda saaray xiriirka Soomaaliya iyo Hindiya si gaar ah fududaynta adeegyada Soomaalida ugu baahan tahay Dalkaas sida Caafimaadka & Waxbarashada kana shaqeeyaan labada Dowladood.

Qoraal kooban oo Wasaaradda Arrimaha Dibadda Xukuumadda Federaalka Soomaaliya ay kasoo saartay kulankaan waxa ay ku sheegtay in kulankaan diiradda la saaray sidii labada dhinac ay u xoojin lahaayeen waxyaabihii ay kawada hadleen.

“Wasiirka Arrimaha Gudaha, Federaalka iyo Dib u heshiisiinta XFS mudane Axmed Macallin oo arrimahan il gaar ah ku eegaya ayaa  ku taliyey in adeegga visaha loosoo dhoweeyo muwaadiniinta Soomaaliyeed ee caafimaadka iyo waxbarashada dalkaas u aada, loona keeno magaalada qunsuliyad ay ka dalbadaan visaha” ayaa lagu yiri qoraalka Wasaaradda Arrimaha Gudaha XFS.

Muddooyinkii u dambeeyay waxaa sii kordhayay kulamada ay yeelanayaan mas’uuliyiin katirsan Dowladaha Soomaaliya iyo Hindiya, waxyaabaha ugu badan ay kawada hadleen waxaa kamid ah Xoojinta xiriirka labada dhinac, iskaashiga dhinaca badda & fududaynta Dal ku galka (Visaha)

Related posts

“Muuse iyo Saylici ma kala hadhayaan oo xafiiska mar kaliya ayay wada dhafayaan”. Afhayeenka Waddani

Abdiaziz Bnnstaff

“Hadii Wax Laga Qaban Waayo Kiiska Cabdinaasir Dad Badan Ayay Galaafan Doontaa” Afhayeenka Direed

Abdiaziz Bnnstaff

“Xeerarkii Doorashadu Wali Madaxwaynaha Ayey Horyaalan Ayuu Golaha Wakiiladu Aqoonsayahay .”Golaha Wakiiladda Somaliland

Abdiaziz Bnnstaff