Dalka Maraykanka gaar ahaan Magaalada Washington waxaa ka dhacay Shir ay isugu yimaadeen Wasiiro ka kala socday 87 Dal oo horay ugu midoobay la dagaalanka Daacish si ay uga arrinsadaan arrimo dhowr ah sida hadalka loo dhigay.
Wasiirka Arrimaha Dibadda Maraykanka Antony Blinken oo shir guddoomiyay kulankaan ayaa xubnihii metalayay Dalalka kala duwan usoo jeediyay Qorshaha Dalkiisa ee la xiriira xoojinta weerarrada ka dhanka ah ISIS.
Soomaaliya waxaa shirkaan ku metalay Wasiiru-Dowlaha Wasaaradda Arrimaha Dibadda iyo Iskaashiga Caalamiga ah ee Xukuumadda Federaalka Cali Cumar (Cali Balcad) waxaana madasha uu ka sheegay doorka Soomaaliya ee la dagaalanka waxa loogu yeero ‘Argagixisada’.
Dowladda Federaalka Soomaaliya ayaa sheegtay in ay kordhisay dagaallada ka dhanka ah ‘AS’ iyo Daacish iyada oo ka sheegatay in guullo muhiim ah ka gaartay isla markaana ay dishay mas’uuliyiin katirsan sida ay hadalka u dhigtay.
