Borama News Network

Taliyihii Ciidamada Dalka Kenta Iyi Saraakiil sarsare Oo Ku Geeriyooday Shil Diyaaradeed

Madaxweynaha dalka Kenya William Ruto ayaa sheegay in taliyihii ciidamada milateriga ee dalkaasi iyo sagaal qof oo kale inay ku dhinteen shil diyaaradeed oo dhacay Khamiistii.

Taliye, General Francis Ogolla ayaa geeriyooday ka dib markii ay burburtay diyaarad nooca sida qumaatiga u kaca ah, oo ay saarnaayeen 11 qof. Waxaana shilkaas diyaaradeed ka badbaaday laba qof oo haatan lagu dabiibayo cusbitaalada Kenya.

Diyaaraddan Helicopter-ka ah ayaa burburtay daqiiqado yar ka dib markii ay kacday, waxaana la arkayey dab iyo qiiq badan oo hadheeyey goobta shilku ka dhacay oo ku taalla agagaarka Rift Valley, sida ay baahisay warbaahinta gudaha ee dalkaasi.

Madaxweyne Ruto oo warbaahinta la hadlay ayaa dhacdadan ku tilmaamay inay tahay masiibo qaran.

“Dalkeena hooyo wuxuu maanta waayey mid ka mida taliyayaashii ugu wanaagsanaa” sidaas waxaa sheegay madaxweynaha.

Dowladda Federaalka Soomaaliya ayaa tacsi tiiraanyo leh u dirtay Madaxweynaha, ciidamada qaranka iyo shacabka Jamhuuriyadda Kenya, kadib markii uu galabta shil diyaaradeed ku geeriyooday Taliyihii Ciidamada Difaaca Kenya Lt. General Francis Ogolla.

Related posts

“Xildhibaan Maxamed Abiib Waa Youtuber Maayirka Waxqabadkiisa Caalamka Og” Boqor Axmed Iiman

Abdiaziz Bnnstaff

Ruushka oo sheegay in uu weeraro badan oo diyaaradaha aan duuliyaha lahayn iska caabiyeen

Abdiaziz Bnnstaff

Daqiiq Dhacday Oo Dhawaan Lagu Qabtay Dekeda Muqdisho Oo Suuqyada Lagu Fasaxay Si Loo Iibiyo Ka Dib Wadahal Dhacay

Abdiaziz Bnnstaff