Tobannaan dukaan oo lagu iibinayay alaabo kala duwan ayaa xalay ku bas beelay dab ka kacay suuq ku yaala deegaanka Ceelasha Biyaha oo u dhaxeeya Muqdisho iyo Afgooye.
Illaa hadda dawladdu kama hadlin waxa dhaliyay dabka ka kacay suuqa, hayeeshee ganacsato ku hanti beelay dabka oo diiday in magacooda la xigto ayaa BBC-da u sheegay in qarax la dhigay mid kamid ah dukaamada ku yaala suuqa oo qarxay uu keenay in dab ka kaco, halkaasna ay ku gubtaan mehrado ganacsi.
Dabka oo muddo socday ayaa keenay in dhammaan meharado ku yaalay hal sekad ay baa ba’aan, iyadoo hantida ku gubatay lagu qiyaasay boqollaal kun oo doolar.
Hay’addaha ammaanka ee dawladda ayaa ku amray gancsatada suuqa Ceelasha Biyaha in ay meharadahooda ku xiraan kaamirooyinka CCTV si loola socda dhaqdhaqaaqa kooxaha wax arbusha. Taasi waxay ka caraysiisay kooxda Al-Shabaab oo la rumeysan yahay in ay ka dambeysay qaraxa in kastoo aanay sheegan.
