Borama News Network

Nin Ka Cadhaysan furriinka Xaaskiisa Oo 35 Qof Ku Dilay Shiinaha

Ugu yaraan 35 qof ayaa la xaqiijiyay in ay ku dhinteen 43 kalana ay dhaawacmeen, kaddib marki nin 62 jir ah uu baabuur uu watay jiirsiiyay dad badan oo hor dhoobnaa goob lagu dheelo ciyaaraha kala duwan oo ku taalla magaalada Zhuhai ee koofurta Shiinaha.

Booliska ayaa sheegay in ninkani oo ay magaciisa kusoo koobeen Van uu si xowli ah ku soo galay goob ay dad badan ku jimicsanayeen. Boolisku waxay sheegeen in ninkani la qabtay ka hor inta uusan goobta ka baxsan.

Waxay kaloo sheegeen in eedeysanaha uu hadda koomo ku jiro laguna daweynayo isbitaalka, kaddib marki ay dhaawacyo kasoo gaareen qoorta iyo qeybo kale oo ka mid ah jirkiisa.

Baaritaan horudhac ah ayaa muujiyay in ninka weerarka geystay uu ka xumaa qeybta kasoo gaartay hanti uu lahaa oo loo kala qeybiyay isaga iyo xaas uu furay.

Dhacdadan ayaa dhacday habeenki Isniinta, balse warbaahinta caalamiga ah ayaa heshay gelinki danbe ee Talaadadi shalay. Inta badan wararka iyo dhacdooyinka waaweyn ee ka dhaca Shiinaha ayaa waxaa jasuureeya oo faafreebta dowladda.

Related posts

Xaasidnimo Iyo Xumaan Ayaa La Bilaabay Xirsina Waxay Yidhaahdeen Somaliya Ayaa Soo Damiinatay” Siyaasi Maxamuud Xaashi

Abdiaziz Bnnstaff

Dowladda Soomaaliya oo shaacisay tirada Xujeyda sanadkaan uga geeritootay Xajka

Abdiaziz Bnnstaff

Shirka 21aad Ee Horumarinta Bangiyada Africa Oo Ka Furmay Dalka Kenya Iyo Qodobada Lagu Lafo Gurayo Shirkaasi

Abdiaziz Bnnstaff