Borama News Network

Ciidanka Israaiil Oo Dhimasho Iyo dhaawac ka gaystay xerada Qaxootiga ee Nur Shams

Ciidanka Israaiil ayaa sii kordhiyay beegsiga ka dhanka ah Dadka ku sugan Xerada Qaxootiga ee Nur Shams ee ku taal daanka-galbeed waxaana la diiwaangeliyay geerida ugu yaraan 7 ruux oo rayid ah iyo dhaawaca ku dhowaan 10 qof.

Yuhuudda ayaa Dadka ay bartilmaameedsadeen waxa ay isugu jiraan Haween iyo Carruur kuwaas oo qaarkood dhaawac darran uu kasoo gaaray weerarka ay ku qaadeen xeradaan oo gabbaad u ah Rayid aad u badan oo maciin biday.

Dadkaan ayaa markii hore ku jiray go’doon cunno, dawo la’aan ah waxaana intaas u sii dheer in uu gabaabsi noqday biyaha maadaama shidaalka ay xadideen ciidanka Yuhuudda sidaasina loo waayay matoorada biyaha soo jiida.

Tacadiga ay gaysaayaan ciidanka Yuhuudda ee ka dhanka ah Dadka rayidka ah ee Falastiin ayaa sii kordhaya maalinba maalinta ka dambaysa waxaana marqaati aamusan ka noqday Qaramada Midoobay iyo Hay’adaha sheegta in ay u doodaan xuquuqda aadanaha.

Waxaa Yuhuudda diiwaanka u galay weerarkii ay ku beegsadeen goobaha caafimaadka, waxbarashada, qaxootiga & meel weliba oo gabbaad u noqon karta Shacabka Dulman ee Falastiin si ay naftooda uga badbaadsadaan duqaynta iyo rasaasta Israaiil adeegsanayso.

Related posts

“Golaha Wakiiladu Kuma Ansixin Karaan Xeerarka Sidii Hore, Waa Sharci Darro Iyo..”Xildhibaan Xareed

Abdiaziz Bnnstaff

“Saajin Iyo Iyo Maxamed Cali Isma Hayaan Ee Muuse Biixi Ayaan Ridaynaa”.Xildhibaan Maydhane

Abdiaziz Bnnstaff

“Dhumasho Dhabarku Muuqdo Qarankan Lagu Maamuli Maayo…..”Gudoomiyaha Kulmiye Maxamed Kaahin Oo Reer Gabilay La Hadlay

Abdiaziz Bnnstaff