Ra’iisul Wasaaraha Xukuumadda Jamhuuriyadda Federaalka Soomaaliya Xamsa Cabdi Barre ayaa Magaalada Nairobi kulan gaar ah kula qaatay Ganacsatada Soomaaliyeed ee Dalka Kenya ku sugan waxaana uu kala hadlay arrimo dhowr ah.
Xamsa Cabdi Barre ayaa Ganacsatada ku dhiirrageliyay in ay kordhiyaan waxsoosaarta oo kaalin wayn ka qaadanaya sare u qaadista kobaca dhaqaalaha isla markaana ay diiradda saaraan maalgashiga Dalkooda Hooyo.
Barre ayaa farta ku fiiqay sida loogu baahan yahay maalgashiga & barnaamij shaqo abuur u noqonaya Dhallinyarada Soomaaliyeed oo intooda badan u baahan helista fursado ay ku shaqaynsan karaan waa sida uu hadalka u dhigay.
Waxa uu dul istaagay fursadda Soomaaliya ay ka dhex eeganayso Suuqa Bulshada Bariga Afrika ee loosoo gaabiyo EAC oo uu ku sifeeyay fursad suuq cusub ah oo lagu horumarin karo dhinaca Dhaqaalaha sida uu yiri Ra’iisul Wasaaraha Xukuumadda Federaalka Soomaaliya.
