Baarlamaanka Israaiil ayaa go’aan ka gaaraya qorshaha lagu eryayo Xildhibaan Cassif oo saxiixay warqadda caddaynta ah ee Yuhuudda ku marqaati kacaysa in ay xasuuq ka gaysatay Dhulka Falastiin kaddib soo jeedintii Koofur Afrika ay u gudbisay Maxkamadda Caddaaladda Caalamiga ah ee ICJ.
Xildhibaankaan ayaa kamid ah xubnaha Xisbiga Hadash-Ta’al waxaana horraantii Bishii Janaayo 2024 uu Saxiixay soo jeedin ka timid Dalka Koofur Afrika ee dacwadda Xasuuqa Israaiil ay u gaysatay Falastiin kaas oo loo gacan-geliyay Maxkamadda ICJ.
Dood badan ayaa ka taagan go’aanka Baarlamaanka ee Xildhibaankaas, dadka difaacaya ayaa ku doodaya in uu xaq u leeyahay soo jeedintiisa maadaama Ciidamada Israaiil dagaallada ay ku jiraan aanay jirin wax natiijo ah oo laga gaaray.
Xildhibaannada Muxaafadka ah ayaa soo jeediyay in la xiro oo tallaab adag laga qaado Xildhibaankaas sabab la xiriirta in uu dalkiisa madaxa u geliyay dambi culus oo saamayn taban ku reebaya mustaqbalka dhow iyo kan fogba.
