Guddoomiyaha Gobolka Banaadir ahna Duqa Magaalada Muqdisho Yuusuf Xuseen Jimcaale Madaale oo kulan dhiirragelin ah la qaatay Ciyaartoyda, Maamulka, Tababarayaasha & qaar kamid ah taageerayaasha Gobolka ayaa kula dardaarmay in ay koobka markale difaacdaan.
Yuusuf Madaale ayaa sheegay in sanadkii hore uu Gobolka Banaadir ku guulaystay koobkaan loona baahan yahay in markale uu muujiyo awoodda uu u leeyahay difaacashadiisa maadaama tartan adag uu kala kulmayo Dowlad-Goboleedyada.
Duqa Muqdisho ayaa sheegay in sababta xoogga loo saarayo cayaaraha ay tahay xoojinta is dhexgalka Bulshada iyada oo arrintaas laga duulayana dhowaan dib usoo celin doonnaan dhammaan tartamadii la qaban jiray ee dhanka Cayaaraha.
“Koobka ayaa aktiinna yaalla oo difaac idin kaga baahan oo yaan gacantiinna laga bixinin, cayaaruhu waa sida ay u billowdeen, Kubadda Cagta, Baaskitka (Kolayga) & Cayaaraha fud-fudud in aan dhaqangelinno oo Muqdisho ka socdaan si aan u helno meel ay dhallinyarada Soomaaliyeed ku tanafusaan” Guddoomiyaha Gobolka Banaadir ahna Duqa Muqdisho Yuusuf Xuseen Jimcaale Madaale.
Garoonka Cayaaraha Muqdisho waxaa Galabta ka daah-furmaya koobka dhexyaalla Dowlad-Goboeedyada & Gobolka Banaadir oo waxaa sanadkaan ka maqan Dowlad-Goboleedka Puntland halka sidoo kale lacag lagu daawan doonno.
