Golaha Wasiirrada Xukuumadda Federaalka Soomaaliya ayaa maanta kulan degdeg ah ka yeelanaya go’aankooda la xiriira heshiiskii shalay wada galeen Madaxweynaha Somaliland Muuse Biixi Cabdi & Ra’iisul Wasaaraha Itoobiya Abiy Ahmed ee la xiriira arrimaha badda cas.
Qoraal kooban oo Dowladda Federaalka Soomaaliya soosaartay ayaa lagu sheegay in Xukuumaddu ay shaacin doonto mowqifkeeda ku aaddan heshiiskaan oo falcelin badan dhaliyay kaddib markii lasoo bandhigay.
Golaha Wasiirrada Xukuumada Federaalka Soomaaliya ayaa bari Shir degdeg ah la isugu yeeray si go’aan looga soo saaro heshiiska la sheegay inuu maanta ku dhexmaray magaalada Addis Ababa dowlada Itoobiya iyo maamulka Somaliland” ayaa lagu yiri qoraal kooban oo Dowladda soosaartay.
Madaxweynaha Somaliland Muuse Biixi Cabdi ayaa markii uu heshiiska saxiixay kaddib waxa uu sheegay in ay Itoobiya ay aqoonsanayso balse qoraalka Xafiiska Ra’iisul Wasaare Abiy Ahmed marnaba laguma soo hadal qaadin arrintaas.
