Borama News Network

Hogaamiyaha Suuriya Oo Shaaciyay Xiliga Ay Suuro Gal Tahay In Dalkaasi Ay Doorasho Ka Dhacdo

Hoggaamiyaha guud ee maamulka cusub ee Suuriya, Axmed al-Sharaa, ayaa sheegay in qabashada doorashooyinka Suuriya ay qaadan karto ilaa afar sano, taasoo ah markii ugu horreysay ee uu tilmaamo jadwal suurtagal ah oo doorashooyinka ah tan iyo markii la afgembiyay Bashar al-Assad 8-dii bishaan.

Al-Sharaa ayaa sheegay wareysi uu siiyay kanaalka Al-Arabiya ee Sacuudiga Axaddii in geeddi-socodka qorista dastuurka uu qaadan karo ku dhawaad saddex sano, isagoo sheegay in Suuriya ay u baahan tahay ilaa hal sano si muwaadiniinta ay u arkaan isbeddelo muhiim ah oo adeegyo ah.

Hadallada Al-Sharaa waxay ku soo beegmayaan xilli maamulka cusub ee Dimishiq uu isku dayayo inuu kalsooni siiyo dalalka deriska ah.

Olole milatari ee dhakhso ahaa oo ay hoggaaminaysay kooxda Xay’at Tahrir al-Sham ayaa soo gabagabeeyay dagaalkii sokeeye ee 13 sano socday ee Suuriya, laakiin sidoo kale waxay dhalisay su’aalo ku saabsan mustaqbalka dalkaasi oo ah mid ka kooban qowmiyado kala duwan, isla markaana ay ku hardamayaan awoodo shisheeye.

Related posts

Dadka Reer Borama Waa Gob Lkn Raga Awdal Stafe La Wareegay Cuqdad Isaaq Nacayb Ah” Noqor Buurmadow

Abdiaziz Bnnstaff

Dowlada Hindiya Oo Gacanta Ku Dhigtay Dahab Tiro badan Oo Lagu Qiimeeyay Lacag Badan

Abdiaziz Bnnstaff

Madaxwayne Muuse Biixi Oo Cafis U Fidiyay Maxaabiis Ku Xidhan Xabsiyada Somaliland

Abdiaziz Bnnstaff