Itoobiya ayaa sheegtay in ay laba jibaartay wax soo saarka korontadda ee biya-xireenkeeda muranka dhaliyay ee webiga Nile ka dib markii laba qeyb oo kale ay bilaabeen howlahooda.
Biyo-xireenka weyn ee Itoobiya oo ay ku bixday balaayiin dollar ayaa markii ugu horreysay bilaabay inuu koronto dhaliyo horraantii sanadka 2022.
Mashruucan ayaa xiisad ka dhex abuuray Itoobiya iyo dowladaha Masar iyo Suudaan. dalalkan ayaa waxay ku tiirsan yihiin Niilka Buluugga ah waxayna ka baqayaan in biyo-xireenku uu saameyn ku yeesho biyahooda.
