Ruushka ayaa gacan ku siiyay inay Iran , hal mar hawada sare u dirto labo dayax-gacmeed oo laga diray gudaha dhulka Ruushka, sida ay sheegtay wakaaladda wararka ee Reuters.
Labada dayax-gacmeed ayaa kala ah ; Kowsar oo ah dayax-gacmeed awood u leh inuu sawirro ka qaado dhulka, sidoo kale wuxuu gacan ka siinaya Iran howlgalkeeda cilmi-baarista kala duwan, halka dayax-gacmeed kale ee Hodhod uu ka caawinayo inay Iran hesho nidaam isgaarsiin u gaar ah oo ay meel walba ku adeegsan karaan.
Warbixinta wakaaladda wararka ee Reuters, ayaa lagu sheegay iskaashiga hawada sare ee Ruushka iyo Iran, inuu walaac ku beeray Mareykanka , sababo la xiriira horumurinta nidaamyada dayax-gacmeedka inuu sare u qaadayo awoodda labada dal ee cadowga uu u arko Mareykanka.
