Qoraal kasoo baxay Jabhadda OLF ayaa lagu sheegay in ay ixtiraamayso madaxbannaanida Dhuleed & Wadajirka Soomaaliya sidaas awgeed tallaabooyinka uu qaadayo Abiy Ahmed ay yihiin kuwo dhankooda ka madaxbannaan.
Warka kasoo baxay Jabhadda Xorraynta Oromada OLF ayaa lagu sheegay in iskudayga Abiy Ahmed ee falcelinta dhaliyay uu ku doonayo sidii uu marin-habaabin ugu samayn lahaa dhibaatooyinka uu ka gaystay Itoobiya.
Jabhadda OLF ayaa ku goodisay in aanay gabbed heli doonin Ra’iisul Wasaare Abiy Ahmed ee damacsan sidii uu Dadka Itoobiya dhibaatooyinka uu u gaystay isaga jiidan lahaa mowduuca la xiriira heshiis-beenaadka badda.
Xukuumadda Abiy Ahmed ayaa tacadiyo kala duwan ka gaysatay Itoobiya laga soo billaabo Bishii Nofeembar 2020 kaddib markii ciidan ka amar-qaadda ay duullaan toos ah ku qaadeen Ismaamulka Tigray halka dalkaas uu geliyay khalalaase & xaalado dhinaca Nolosha ah.
