Madaxweynaha Jamhuuriyadda Federaalka Soomaaliya Xasan Sheekh Maxamuud ayaa maanta soosaaray warqad uu xilka uga qaaday lataliyihiisa dhinaca xiriirka Dowlad-Goboleedyada Maxamed Xasan Ibraahim Qoone.
Madaxweyne Xasan Sheekh Maxamuud ayaa u mahadceliyay Maxamed Xasan Ibraahim Qoone oo horay ugu magacaabay Lataliyihiisa dhinaca Xiriirka Dowlad-Goboleedyada, waxa uu u rajeeyay mustaqbal wanaagsan.
“Madaxweynaha JFS wuxuu mar walba ka rajeynayaa masuuliyiinta uu u magacaabo xilalka sare ee Qaranka inay gacan ka geystaan horumarka iyo midnimada dalka, iyagoo waajibaadkooda u gudanaya si hufan, daacadnimo leh, isla markaana u hoggaansamaya mas’uuliyadda ka dhalata xilalka ay hayaan.” Ayaa lagu yiri qoraal lasoo dhigay Villa Somalia
“Madaxweyne Hassan Sheikh Mohamud ayaa uga mahadceliyay Mudane Maxamed Xasan Ibraahim (Qoone) muddadii uu u soo shaqeeyay Qaranka, wuxuuna u rajeeyay mustaqbal wanaagsan” ayaa lasii raaciyay qoraalka Madaxtooyada Soomaaliya
