Borama News Network

Markabkii La Qafaashay Oo Kusoo wajahan Xeebaha Garacad

Hay’adda Baddaha Caalamiga (the International Maritime Bureau) ayaa laga soo xigtay in Markabkii Xamuulka ee MV Abdullah iyo Badmaaxiinta la socotay ay ku wajahan yihiin Xeebaha magaalladda Garacad ee Bartamaha Gobalka Mudug ee Maamulka Puntland.

Markabkaasi ayaa waxa uu ku jiraa Xeebaha Garacad masaafo gaarayso 7 nautical miles.

Saraakiil u hadlay Waaxda Wasaaradda Arrimaha Dibedda ee Bangladesh ugu qaabilsan Arrimaha Baddaha ayaa sheegay inay Bad-qabaan 23-ka Badmaax ee la socda Markabka laga qafaashay Xeebaha Somalia Talaadadii la soo dhaafay.

Dhanka kale, Milkiilaha Markabka Xamuulka ee MV Abdullah ayaa la sheegay inuu diyaar la yahay bixinta Lacagta Madax Furashada ee ay Burcad-baddeeda codsadaan, si loo sii daayo Shaqaalaha iyo Markabkaasi.

Qoysaska Badmaaxiinta waxay Dowladda Bangladesh ka codsadeen inay soo farageliyaan Arrinta, si loo furdaamiyo Badmaaxiinta la qafaashay.

Markabka Xamuulka ee MV Abdullah oo ay leedahay Shirkadda SR Shipping Limited waxaa Duhurnimadii Talaadadii la soo dhaafay laga qafaashay meel 600 nautical miles u jirta Xeebaha magaalladda Muqdisho.

Related posts

Dawladda Soomaaliya Oo Ka Doonaysa Tansaaniya In Ay Soo Wareejiso Maxaabiista Soomaalida Ah Ee Ku Xidhan Dalkeeda

Abdiaziz Bnnstaff

Dab Ka Kacay Suuqa Wayn Ee Hargaysa Iyo Ciidanka Dabdamiska Oo Ka Warbixiyay Dabkaasi

Abdiaziz Bnnstaff

Daawo Dood Culus Oo Dhex Martay Xildhibaan Maxamed Abiib Iyo Gudoomiyaha Haayada Shaqaalaha Somaliland

Abdiaziz Bnnstaff