Borama News Network

Mid ka mid ah feeryahanadii ugu caansanaa caalamka oo Geeriyooday

Halyeygii feerka miisaanka culus George Foreman ayaa geeriyooday isagoo 76 jir ah, sida laga soo xigtay qoyskiisa.

“Qalbigayagu wuu jabay,” qoyskiisa ayaa sidaa ku yiri qoraal ay soo dhigeen Instagram-ka. “Daaci aamin ah, nin daacad ah, aabbe jecel, iyo awoowe ku faani jiray wiilkiisa iyo waxqabadkiisa. .”

Waxaa loo yaqaanay Big George , Mareykan-ku wuxuu ka dhigay mid ka mid ah kuwa ugu cajiibsan xirfadda isboortiga, isagoo ku guuleystay dahabka Olombikada 1968-kii wuxuuna ku guuleystay laba jeer horyaalka Miisaanka culus, 21 sano ayaa u dhexeysay – kii labaadna wuxuu ka dhigay horyaalkii ugu da’da weynaa taariikhda isagoo jira 45.

Waxa uu lumiyay horyaalnimadiisa ​​ugu horeeysay ka dib kulan feer ahaa oo dhexmaray isaga iyo Maxamed Cali 1974. Laakin xirfada feerka ee Foreman waxaa uu haystay rikoorka ah in 76 guul oo ay ku jiraan 68 feeryahankii ka soo horjeeday uu dhulka dhigay, waxaa uuna dhankaas kaga horeeyay Maxamed Cali.
Waxa uu kaga adkaaday Kingston, Jamaica sanadkii 1973-kii xiddigii la holin waayay ee Joe Frazier, isagoo lix jeer garaacay labadii wareeg ee hore.
Laakiin waxaa dad badan ay aad ugu xusuustaan marka ay magaciisa maqlaan ciyaartii ka dhacday Dal ku yaalla Afrika.

Tartankii 1974-tii ay isku fara saareen Maxamed Cali kaasi oo ka dhacay Kinshasa, Zaire, oo hadda ah Jamhuuriyadda Dimuqraadiga ah ee Congo, ayaa weli ah mid ka mid ah ciyaarihii feerka ee ugu caansanaa ee abid la qabto.

Foreman waxa uu dib u milicsaday dagaalkii adkaa 50 sano ka dib waraysi uu bishii October siiyey BBC, isaga oo sharxaya in qof kastaa uu u maleeyey in uu baabi’in doono Cali.

“,Ma sii socon doono hal wareeg,” feeryahanku wuxuu sheegay in khubaradu ay saadaalinayeen xilligaas.

Waxa uu BBC-da u sheegay in guuldaradii uu kala kulmay Cali ay noqotay “waxyaabihii iigu wacnaa ee abid igu dhaca” iyada oo ugu dambeyntii keentay in uu “fariintayda ku gaarsiiyo” qaab wacdi ahaan.

Waxa uu ciyaaraha ka fadhiistay sanadkii 1997-kii.Foreman waxa uu ka soo baxay hawlgabka 1987 si uu lacag ugu ururiyo xarun dhalinyaro oo uu aasaasay. Waxa uu badiyay 24 kulan ka hor inta uusan guuldaro kala kulmin Evander Holyfield ka dib 12 wareeg sanadki 1991kii.

Qoyskiisa ayaa ku sheegay qoraal ay soo dhigeen Instagram habeenimadii Jimcaha: “wadnaheena jab ayaa soo gaaray.

Foreman wuxuu ku dhashay 10 Janaayo, 1949, Marshall, Texas, waxaana korisay hooyo keligood ah waxaana la dhashay lix caruur ah, xilli ay kala soocaan dhanka midibka ah ay ku badnayd Koonfurta Mareykanka.

Foreman wuxuu guursaday shan jeer. Waxa uu leeyahay 12 carruur ah, oo ay ku jiraan shan wiil oo dhammaantood lagu magacaabo George.

Waxaa uu meel dhexe uga tagay waxbarsahda oo waxa uu u leexday dhanka burcadnimada waddooyinka, ilaa uu aakhirkii uu ogaaday in giraanta feerka ay tahay habadiisa.

Foreman waxa kale oo uu guul ka gaaray meel ka baxsan xirfadda feerta, isaga oo qaatay mihnad dhanka ka wacdinta kaniisdaha islamarkana waxaa uu noqoday ganacsade guuleystay.

Waxa uu noqday maalgeliyaha ugu weyn ee cunooyiinka la iibiyo, kaas oo magaciisa sita, waxana uu iibiyey malaayiin unug tan iyo markii la bilaabay 1994.

Related posts

Macallin dhigayey Jaamacad laga barto caafimaadka oo ku taal dalka Bangladesh ayaa la xiray, maalmo ka dib markii uu xabad ku dhuftay arday imtixaan u fadhiyey. Dhacdadan oo ka dhacday magaalada Sirajganj ee waqooyiga galbeed ee Bangladesh ayaa aad loola anfariirey markii la ogaadey in booliska ay ku qaadatay labo maalmood in ay xiraan ninka falka geystey. Raihan Sharif ayaa la xiray, dabeedna shaqada laga joojiyey markii ardaydii jaamacaddu ay ku dhaqaaqeen mudaharaad looga soo horjeedo weerarka lagu dhawacay saaxiibkood. Macluumaad dheeri ah lagama hayo sababta ka dambeysey dhacdan iyadoo ardayga dhaawacana uu isbitaal jiifo, macalinkana uu xabsi ku jiri Warbaahinta gudaha ayaa magaca dhibbanaha ku sheegtay Arafat Amiin Tomal oo 23 jir ah, kaasoo hadda ka soo kabanaya dhaawac ka so gaarey jilibka. Macallin Shariif ayaa wuxuu qori la soo galay fasal ay fadhiyeen 45 arday, ka dibna wuxuu xabad ku ridey ardayga dhaawacmay. Nasiib wanaag qaar ardayda ka mid ah ayaa macallinka isku duubay oo qol ku soo xiray, ka hor intii aan booliska loo yeerin.

Abdiaziz Bnnstaff

Hoggaamiyihii Kooxda Al-Qacida Ee Dalka Yemen Oo Geeriyooday

Abdiaziz Bnnstaff

WARSAXAAFADEED:-Madaxweyne Xasan Sheekh ha iscasilo,taas waxey u noqon doontaa guul Siyaasadeed hadii uu qirto fashilkiisa”Xildhibaan Cabdirisaaq.

Abdiaziz Bnnstaff