Madaxa Hawlgalka EUCAP Somalia, Kęstutis Lančinskas, ayaa kulan la yeeshay Taliyaha Ciidanka Booliska Soomaaliyeed, Sarreeye Guuto Asad Cismaan Cabdullaahi, kaas oo ka dhacay Xarunta Dhexe ee Booliska Soomaaliyeed ee magaalada Muqdisho.
Kulanka ayaa diiradda lagu saaray sidii loo xoojin lahaa wada shaqeynta labada dhinac, kor loogu qaadi lahaa taageerada la siiyo Booliska Soomaaliyeed, iyo sidii loo horumarin lahaa awoodda iyo xirfadaha hay’adaha amniga ee dalka.
Madaxa EUCAP ayaa caddeeyay in howlgalka Midowga Yurub ee EUCAP uu si buuxda uga go’an yahay in uu taageero dadaallada Soomaaliya ugu jirto dhisidda hay’ad boolis oo xirfad leh, hufan, kana jawaabi karta baahida shacabka.
EUCAP Somalia waa howlgal ay leedahay Midowga Yurub oo loogu talagalay in lagu taageero Soomaaliya, si gaar ah dhinacyada tayeynta ciidamada ammaanka sida Booliska, Ilaalada Xeebaha, La dagaalanka burcad-badeeda iyo dambiyada caalamiga ah ee xuduudaha ka gudba.
