Madax dhaqameedka Oromada ee dalka Itoobiya ayaa xilka ku wareejiyay xaflad aad u qurux badan oo lagu qabtay Me’ee Bokkoo oo qiyaastii 450km dhanka koonfureed kaga beegan caasimadda dalka Itoobiya ee Addis Ababa.
Jiloo Maandhoo oo 8-dii sano ee la soo dhaafay ahaa Hogaamiyihii Qoomiyada-ama Abbaa Gadaa- ayaa gogoshii u dhiibtay Jaarsoo Dhugoo oo noqon doona Hogaamiyihii 75-aad.
Xafladda awood wareejinta ayaa ka socota goob dhaqan oo ku taalla koonfurta Itoobiya, waxayna soconaysaa muddo toddobaad ah. Waxaana ka soo qayb galay kumanaan qof oo ka kala yimid gobolada dalka.
Nidaamka maamul ee wadaniga ah ee loo yaqaan Gadaa ayaa dadka Oromada ah ay ku dhaqmi jireen qarniyo badan, waxayna UNESCO u diiwaan gelisay dhaqan dhaqameed aan la taaban karin oo biniaadanku leeyahay.
Marka loo eego haldoorka bulshada reer Guji, nidaamkan dawladnimo ee qadiimiga ah ee dhaqan-siyaasadeed waxa uu bilaabmay qarnigii 15-aad ilaa haddana waxa uuu socday si aan kala joogsi lahayn.
Mr Dhugoo ayaa xilka hayn doona 8-da sano ee soo socota.
Oromada waa qowmiyadda ugu badan dalka Itoobiya.
