Ra’iisul Wasaaraha Xukuumadda Jamhuuriyadda Federaalka Soomaaliya, Xamsa Cabdi Barre, ayaa maanta xafiiskiisa ku qaabiley Danjiraha Dowladda Isu-tagga Imaaraadka Carabta u fadhiya Soomaaliya, Axmed Juma Al Rumaithi.
Kulanka Wasiirka koowaad ee Xukuumadda iyo Safiirka dowladda Imaaraadka Carabta u fadhiya Soomaaliya yaa diiradda waxaa lagu saaray, “xoojinta xiriirka iyo iskaashiga soo jireenka ah ee ka dhaxeeya labada dal,” sida lagu yiri qoraal ka soo baxay kulanka.
Ra’iisul Wasaaraha Xukuumadda Jamhuuriyadda Federaalka Soomaaliya, Xamsa Cabdi Barre ayaa Danjiraha Dowladda Isu-tagga Imaaraadka Carabta u fadhiya Soomaaliya, Axmed Juma Al Rumaithi ugu mahadceliyey booqashada uu ugu yimid Xafiiskiisa.
Dowladda Imaaraadka Carabta ayaa waxa ay ka mid tahay dalalka xiriirka la ah Soomaaliya, iyada oo dowladda ka teegeerta tababaridda ciidanka, sidoo kale waxa ay kaali ka qeyb qaadataa arrimaha gurmadka.
