Borama News Network

Wasiirka Gaashaandhigga Somaliya “Xiriirka Soomaaliya Iyo Turkiga Waxa Uu Gaaray Meel Sare”

Wasiirka Gaashaandhigga Xukuumadda Federaalka Soomaaliya Cabdulqaadir Maxamed Nuur Jaamac ayaa sheegay in xiriirka Soomaaliya iyo Turkiga uu sare u qaadmay kaddib markii labada Dowladood ay kordhiyeen cilaaqaadka ka dhaxeeya.

Dhinacyada Waxbarashada, Militariga, Ganacsiga, Teknoolajiyadda & kuwo kale ayuu sheegay in ay xoogga saareen Dowladaha Soomaaliya & Turkiga si aanay looga daba harin dunid kale ee horumarka ka sameysay dhinacyadaan.

Dowladda iyo Shacabka Turkiga ayuu ku amaanay doorka ay ka qaadanayaan sare u qaadista Waxbarashada Ardayda Soomaaliyeed, waxa uu rajeeyay in Xukuumadaha Muqdisho & Ankara ay ka shaqeyn doonnaan xoojinta iskaashigooda saldhigtay sida uu hadalka u dhigay.

“Xiriirka Labada Dal waxa uu ka gudbay heerar kala duwan oo maanta uu marayo heer istaraatiijig ah oo aan is weydaarsaneyso dhaqaalaha, Amniga & Culuumta kala duwan ee Teknoolajiyadda, waxa aan u mahadcelineynaa Dowladda Turkiga sida ay ugu hiilisay Dadka Soomaaliyeed” Wasiirka Gaashaandhigga XFS Cabdulqaadir Maxamed Nuur Jaamac

Hadalkaan waxa uu Wasiirka Gaashaandhigga Xukuumadda Federaalka Cabdulqaadir Maxamed Nuur ka jeediyay munaasabad ka dhacday Safaaradda Turkiga ee Soomaaliya oo lagu abaalmariyay Arday wax ku baratay Dalkaas.

Related posts

Kenya Oo Madaxwayne Ku Xigeen Cusub Loo Magacaabay Ka Dib Markii Xilka Laga Qaaday Madaxwayne Ku Xigeenkii Hore

Abdiaziz Bnnstaff

GABILEY: Qaabkii dadwaynaha Gabiilay isugu soo baxeen Ololaha Waddani

Mustafe haji

Golaha Ammaanka ee Midowga Afrika oo soo dhaweeyay heshiiska Itoobiya iyo Soomaaliya, kuna baaqay in la siiyo maalgelin joogto ah AUSSOM

Abdiaziz Bnnstaff