Maraykanka Oo Taiwan Ka Iibinaya Hub Qiimihiisu Dhanyahay 1.8 Bilyan

Mareykanka ayaa ansixiyay in hub laga iibiyo Taiwan, kaas oo uu ku kacayo qiyaastii $1.8bn (£1.4bn), tallaabadn oo laga yaabo inay sii xumeyso xiisadda Mareykanka iyo Shiinaha.

Aqalka Pentagon-ka ayaa sheegay in heshiiskan uu dhigayo iibka hub ay ka mid yihiin gantaallo iyo madaafiic.

Taiwan, oo isu aragta inay tahay dal goonni u taagan, waxaa loo yaqaannaa gobol ka tirsan Shiinaha.

Xiisadda Taiwan iyo Shiinaha ayaa isa soo tareysay sanadihii ugu dambeeyay, iyadoo Beijing aysan weli amrin in si xoog ah ay u soo ceshato jasiiraddaas.

Toddobaadkii la soo dhaafay la taliye dhanka ammaanka oo Mareykanka ah, Robert O’Brien ayaa sheegay in inkastoo uusan aaminsaneyn in Shiinuhu uu diyaar u yahay inuu qabsado Taiwan, haddana jasiiraddaas ay u baahan tahay inay is difaacdo mustaqbalka.

Wasaaradda gaashaandhigga Taiwan ayaa sheegtay in hubka uu ka caawin doono xoojinta ciidamadeeda ammaanka.

Bilihii la soo dhaafay, Mareykanka ayaa xoojinayay xiriirka uu la leeyahay Taiwan. Bishii August, tobnaan sano kaddib, siyaasi heerkiisu sarreeyo oo Mareykanka ka socda ayaa booqday Taiwan isagoo la kulmay madaxweynaha jasiiraddaas Tsai Ing-wen.

Beijing ayaa si xooggan u cambaareysay kulanka, waxayna Mareykanka uga digtay inuusan sii xumeyn xiriirka Shiinaha iyo Mareykanka.

Shiinaha ayaa sidoo kale sameeyay dhoollatus milatari

Inkastoo gudaha Taiwan looga arko in taasi ay ka dhigan tahay qorshe jasiiraddaas mustaqbalka lagu qabsanayo, haddana khubarrada ayaa aaminsan inaan la filan karin isku dhac dhex mara Shiinaha iyo Taiwan.

Inkasta oo uu Mareykanku hub ka iibiyo Taiwan, haddana heshiis rasmi ah oo gaashaandhig lama laha, sida uu ula leeyahay dalalka Japan, Kuuriyada Koofureed iyo Filibiin

Shiinaha iyo Taiwan ayaa kala go`an intii uu socday dagaalkii sokeeye sanadihii 1940-meeyadii, balse Beijing ayaa ku adkeysaneysa in jasiiradda ay dib u soo ceshan doonto, haddii loo baahdana ay awood isticmaali doonto.

Xiisadda ayaa sanadihii la soo dhaafay korortay, iyadoo doorashada madaxweynaha jasiiraddaas Ms Tsai, loo arkay inay mucaarad ku tahay Beijing.

Xafiiska Wararka BoramaNews
BoramaNews.com

Related posts

Gudoomiye Maxamed Mursal Oo Mar Kale Loo Doortay Xildhibaan Ka Tirsan Golaha Shacabka

Bnnstaff Bnnstaff

“Xisbigii Ucid Waan Iskaga Tegay “Ex Wasiir Shucayb Maxamed Muuse

Bnnstaff Bnnstaff

Xukuumada Raysal Wasaare Rooble Oo Mar Kale Qaaday Talaabo Ka Dhan Ah Ergayga Midawga Africa Ee Somaliya

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More