Ciidanka Maamulka Puntland Oo Howlgal Qorsheysan Ku Galay Degaano Ka Tirsan Gobolka Sanaag

Ciidanka Daraawiishta dowlad Goboleedka Puntland ayaa saacadihii lasoo dhaafay howlgal qorsheysan ku galay deegaano ka tirsan Gobolka Sanaag, sida ay sheegayaan wararka laga helayo halkaas.

Ciidanka Daraawiishta ayaa gaaray degmada Laasqoray iyo deegaano kale oo hoostega, halkaas oo dhawaan la wareegeen xubno ka tirsan Al-shabaab, waxaana la sheegay in Ciidanka ay ka sameeyeen howlgal.

Saraakiil ka tirsan Ciidanka Puntland ayaa sheegay in howlgal gaar ah ka fuliyeen degaanka Gurya-samo oo ka tirsan degmada Laasqoray ee Gobolka Sanaag, isla markaana ay ku sugan yihiin Ciidankooda.

Sidoo kale Saraakiisha hoggaaminaya Ciidanka Daraawiishta ayaa warbaahinta ka howlgasha Puntland u sheegay in Ujeedka howlgalka uu ahaa mid lagu doonayo in lagu xaqiijiyo amniga Gobolka, iyagoona kulan la qaatay qaar kamid ah dadka deegaanka.

Al-shabaab ayaa dhawaan sheegtay inay la wareegeen deegaano ka tirsan Gobolka Sanaag, isla markaana ay muxaado u jeediyeen dadkii ku sugnaa deegaanada ay tageen, hayeeshee waxaa la sheegay in maalmo kadib ay halkaas isaga baxeen, waxaana gelinkii dambe ee shalay howlgal ku galay Ciidanka Daraawiishta Maamulka Puntland.

 

Xafiiska Wararka BoramaNews

BoramaNews.com

Related posts

DAAWO:- Shacabka Reer Azerbijaan Oo Markii Ay Arkeen Madaxwayne Ordogan Ka Hadhiwaayay

Bnnstaff Bnnstaff

Toos Shirka 7aad Ee Golaha Dhexe Ee Xisbiga Kulmiye

Bnnstaff Bnnstaff

Gudoomiyaha Aqalka Sare Ee Somaliya Oo Qaadacay Gudiga Uu Soo Magacaabay Raysal Wasaare Rooble

Bnnstaff Bnnstaff

This website uses cookies to improve your experience. We'll assume you're ok with this, but you can opt-out if you wish. Accept Read More