Borama News Network

Dowlada Turkiga Oo War Cusub Ka Soo Saartay Heshiiska Difaaca Bada Ee Ay Somaliya La Gashay

Mas’uul ka tirsan wasaaradda gaashaandhigga Turkiga oo sharraxada ka bixinayay heshiiska ay la galeen Soomaaliya ee dhanka iskaashiga difaaca badda iyo dhaqaalaha, ayaa u sheegay wakaaladda wararka ee Reuters in Ankara ay tababar siinaysay ciidamada Soomaaliya in ka badan toban sano.

Mas’uulkan ayaa sheegay in heshiiskan hadda looga gol leeyahay in sare loogu qaado iskaashiga dhanka difaaca ee Turkiga iyo Soomaaliya.

“Haddii ay naga codsato Soomaaliya, waxaan gacan ka geysan doonnaa dhanka amniga badda, sidii aan u sameynay dhinaca la dagaalanka argagixisada,” ayuu yiri.

“Waxaan Soomaaliya ka caawin doonnaa sidii ay u horumarin lahayd awooddeeda si ay ula dagaallanto falalka sharci-darrada ah iyo kuwa aan caadiga ahayn ee ka socda baddeeda,” ayuu hadalkiisa sii raaciyay.

Turkiga ayaa sanadihii u dambeeyay noqday saaxiibka dhow ee dowladda Soomaaliya. Ankara waxay ka dhistay qaybo ka mid ah dalka iskuulo, isbitaallo iyo kaabayaasha dhaqaalaha, waxayna Soomaaliya ay ka heshay Turkiga deeqo waxbarasho oo keenya in Soomaali badan ay dalkaas wax ku bartaan.

Related posts

Cabdilaahi Darawal Oo Luuqadii Ugu Adkayd Kula Hadlay Golaha Wakiilada Somaliland.

Abdiaziz Bnnstaff

“Kuwii Cadawga Laascaanood Kusoo Daayey Maanu Kulmiye Ahayn” Masuul Ka Tirsan Xisbiga Wadani Oo Eedaymo Culus U Jeediyay Xukuumada

Abdiaziz Bnnstaff

Dowlada Itoobiya Oo Sheegtay In Ay Ka Go’antahay Fulinta Heshiiskii Is Afgaradkii Ee Ay La Gashay Somaliland

Abdiaziz Bnnstaff