Dowlada Somaliya Oo War Ka Soo Saartay Diyaaradii Ku Burburtay Garoonka Diyaaradaha Ee Muqdisho

Dowladda Federaalka Soomaaliya ayaa ka hadashay diyaarad nooca xamuulka qaado ah oo saakay ku dhacday Garoonka diyaaradaha Aadan Cadde ee Magaalada Muqdisho, xili ay dooneysay ay ku degto Garoonka.

Sii-hayaha Wasiirka Gaadiidka Xukuumadda Maxamed C/llaahi Salaad Oomar oo la hadlay Wakaaladda Wararka Soomaaliyeed ee SONNA ayaa u sheegay in diyaarad xamuul ah ay ku dhacday Garoonka Aadan Cadde, ayna la socdeen 4 ruux oo shaqaale ah.

Waxaa uu sheegay Wasiir Oomaar in shaqaalihii saarnaa diyaaradda lasoo badbaadiyay, kadib markii gurmad si deg deg ah loogu sameeyay, waxaana la sheegayaan in dhaawacyo fudud ay soo gaareen.

Diyaaradda ayaa markii hore Magaalada Baladweyne u qaaday xamuul, balse waxay dib ugu laabatay Muqdisho, markii cilladi soo wajahday, waxaana saarnaa 4-qof oo duuliyeyaasha iyo shaqaale isugu jira

Diyaaradaas oo ay leedahay shirkadda Sky ward ee dalka Kenya ayaa ku burburtay Afaafka hore ee derbiga ku wareegsan Garoonka Aadan Cadde, sida lagu arkayay Sawirro laga soo qaaday, iyadoo ay waxyeelo kasoo gaartay qeybta laga wado diyaaradda

Related posts

Dirawal Somali Ah Oo Lagu Dilay Magaalada Minneapolis Ee Dalka Maraykanka

Bnnstaff Bnnstaff

Madaxweyne Deni Oo Maanta Kusii Jeeda Magaalada Qardho Iyo Ujeedada Safarkiisa

Bnnstaff Bnnstaff

Madaxweynaha Mali Oo La Weeraray Isagoo Salaadii Ciida Ku Jira

Mustafehaji

This website uses cookies to improve your experience. We'll assume you're ok with this, but you can opt-out if you wish. Accept Read More