Midowga Yurub ayaa ansixiyay lacag dhan €75 milyan oo Yuuro una dhiganta $88 Milyan oo Doollar oo lagu taageerayo howlgalka Ciidanka Afrikaan ah ee jooga Soomaaliya ee loosoo gaabiyo AUSSOM sida lagu xusay war kasoo baxay EU.
Lacagtaan ayaa loo marinayaa Sanduuqa Nabadda & taageerrada ee Midowga Yurub oo Midowga Afrika gacanta usii gelin doonnaa iyada oo ugu dambayn la gaarsiinayo Howlgalka Midowga Afrika ee AUSSOM.
Midowga Afrika ayaa horay dhowr jeer ku celceliyay in ay u baahan yihiin dhaqaale ay ku socodsiiyaan howlgalladooda Soomaaliya si joogitaanka Askartooda AUSSOM loosii xaqiijiyo maadaama taageerro dhinacyo kale uga imaan jirtay ay waayeen.
Inta badan waxaa lacagtaan loo adeegsanayaa Gunnooyinka Ciidamada howlgalka ku jira, qalabka muhiimka ah iyo adeegyada kale aan laga maarmin inta uu socdo howlgalka AUSSOM ee Soomaaliya sida xogta lagu muujiyay.
Ururka Midowga Yurub ayaa la sheegay in tan iyo sanadkii 2007dii uu soo billowday howlgalka Midowga Afrika ee lagu soo aasaasay Magaca AMISOM waxaa uga baxday lacag dhan €2.8 bilyan oo Yuuro una dhiganta $3.3 Bilyan oo doollar.
Mustaqbal