borama 250x250

sugar

ABDUU

Tuesday, 12 June 2018 15:50

Boqortooyada Sucuudiga Oo Ku Faantay In Ay Dawlada Iiraan Cashir Ugu Dhigtay Qaarada Africa Iyo Dhaxal Sugaha Sucuudiga Oo Arimo Xasaasiya Ka Hadlay

12/06/2018(BNN) Dhaxal sugaha Boqortooyada Sacuudi Carabiya Maxamed Bin Salmaan ayaa mar kale sheegay in dowlada Iran ay uga dhamaatay ku dhex milmida dowladaha qaarada madow ee Africa.

Maxamed Bin Salmaan, waxa uu sheegay in Iran ay caqabad ku tahay dhaqdhaqaaqa ganacsi iyo midka Siyaasadeed ee uu Sacuudiga kawado Africa.

Maxamed Bin Salmaan, waxa uu tilmaamay in iminka ay ka takhlusiyeen awoodihii ugu badnaa ee Iran ay ku laheyd Africa sida saameynta Siyaasadeed iyo mida dhaqaale.

Dhaxal sugaha Boqortooyada Sacuudi Carabiya Maxamed Bin Salmaan, ayaa tilmaamay inay hoos u dhigeen saameyntii Iran ay ku laheyd dalalka Qaaradda Africa.

Dagaalka ay la galeen Iran ayuu sheegay xitaa inuu saameeyay fekerada shiicada oo Iran ay ku dhex faafin jirtay Africa sida dalka Nageira.

Waxa uu Dhaxal sugaha intaa raaciyay inay albabada u laabeen dhowr xero ciidan oo ay Iran dooneysay inay ka hirgaliso Africa, hase yeeshee ma noqon.

Bin Salmaan ayaa tusaale usoo qaatay in Iran ay ka jareen wadamda Somalia,Sudan, Nageira, Masar, Ethiopia, Kenya, Libya, Ugandha, Yemen iyo Djibouti oo dhamaantooda ay ku faafinayeen Shiicada.

Bin Salmaan waxa uu sheegay in sacuudiga uu burburiyay unug kamid ah xisbulah oo laga aas aasi rabay dalka Nageria, sida uu hadalka u dhigay.

Sidoo kale, Bin Salmaan waxa uu cadeeyay in Sacuudiga ay ka go’an tahay in Africa uu ka niyad jabiyo Iran oo uu sheegay inay halis ku tahay diinta.

Dhinaca kale, Dowladaha Sacuudiga oo dal Sunni Muslim ah iyo Iran oo Shiica ah ayaa waxa ay yihiin labada quwadood oo isku haya siyaasadda bariga dhexe oo hadda u soo tafaxeetay dalalka Africa.


Xafiiska Wararka BoramaNews
BoramaNews.com

We use cookies to improve our website and your experience when using it. Cookies used for the essential operation of this site have already been set. Cookie policy. I accept cookies from this site.Agree