Madaxweynaha Koonfurta Suudaan, Salva Kiir, ayaa shaqada ka eryay laba kaaliye oo sare ka dib markii ay dhacday xaalad ceeb ah oo uu ku magacaabay nin dhintay inuu ka mid noqdo guddiga ka shaqeynaya doorashooyinka la qorsheeyay Diseembar.
Magacaabista Steward Soroba Budia waxey ahayd amar madaxweyne oo lagu dhawaaqay taariikhiisuna ay ahayd 30-kii Jannaayo, laakiin warbaahinta maxalliga ah ayaa tilmaantay in xubintaas ka tirsan Xisbiga Mucaaradka ee United Democratic Party (UDP) uu geeriyooday shan sano ka hor.
Arrintani waxay keentay in dadka baraha bushada ay ku qoslaan tallaabadan.
Iyadoo aan la sheegin sababaha bayaanka rasmiga ah ayaa la shaaciyay in madaxweynuhu shaqada ka eryay xoghayntiisa warbaahinta David Amour Major iyo maamulihii ugu sareeyay Wasaaradda Arrimaha Madaxweynaha, Valentino Dhel Maluet.
Kiir ayaa la sheegay inuu ku “faraxsanaa” markii uu ku dhawaaqay in labadan qof laga qaaday xilalkoodii, isla markaana uu jeclaan lahaa inuu u muujiyo “mahadnaq qoto dheer” howlihii ay soo qabteen, sida lagu sheegay bayaanka lagu daabacay bogga rasmiga ah ee Facebook-ka madaxweynaha, oo u uku saxiixnaa Wasiirka madaxtooyada Africano Mande Gedima.
Isniintii, Amour ayaa war-saxaafadeed ku sheegay in xafiiska madaxweynaha uu gabi ahaanba ku tiirsanaa “saxnaanta iyo cusboonaysiinta” magacyada ay soo gudbiyeen “dhinacyada daneeya” si loogu daro guddiga.
“Waxaa hadda caddaatay in mid ka mid ah dhinacyada daneeya aanu si buuxda u hubin, taasoo keentay khalad maamul oo nasiib darro ah,” ayuu Amour yiri.
Wuxuu ka gaabsaday inuu magacaabo dhinacaas, halka UDP-na aysan wax faallo ah ka bixin arrintaan.
Ma cadda in bayaanka uu sababay in Amour shaqada laga eryo. Waxaa jiray mala-awaal kahor war-saxaafadeedla in la eryi doono.
Budia wuxuu saxiixay heshiis nabadeed oo la saxiixay 2018 si loo joojiyo colaaddii ka dhalatay Koonfurta Suudaan ka dib xornimadeeda 2011.
Kiir wuxuu sameeyay guddigan, oo ka kooban wakiillo ka socda xisbiyaal kala duwan, si loo fududeeyo doorashooyinka.
Laakiin waxaa jirta shaki ku saabsan in doorashadu dhici doonto, maadaama dalka uu weli la daalaa dhacayo colaadda.
Doorashadii hore waa la dib u dhigay, iyadoo Kiir xilka hayay tan iyo xornimadii dalka Koonfurta Suudaan.
Qaramada Midoobay ayaa sheegtay in in ka badan 180,000 oo qof la rumeysan yahay in ay ku qasbanaadeen inay ka cararaan guryahooda dagaalladii dhowaan dhacay dartood.
Gobalka Jonglei ayaa ah meesha ugu daran, iyadoo ciidamada ay la dagaallamayaan xoogagga taageera Madaxweyne-ku-xigeenka Koonfurta Suudaan ee shaqada laga joojiyay Riek Machar.
Wuxuu hadda ku jiro xabsi guri iyadoo dacwado lagu soo oogay kuwaas oo ku saabsan dil, khiyaano, iyo dambiyo ka dhan ah aadanaha. Wuxuu diiday eedaha.
Kiir iyo Machar waxaa la filayaa inay ka mid noqdaan dowlad midnimo oo lagu heshiiyay heshiiskii 2018 kadib dagaal shan sano socday oo ka dhashay tartan dhanka awoodda ah oo u dhexeeyay labadan nin.