Afarta qof ee ay toogteen ilaalada xuduudaha Cuba oo saarnaa doon xawaare sare ku socotay oo ka diiwaan gashan Mareykanka ayaa ahaa muwaadiniin Cuban ah oo ku noolaa Mareykanka, sida ay sheegtay dowladda Cuba.
War qoraal ah oo lagu daabacay internetka, ayaa wasaaradda arrimaha gudaha ee Cuba lagu sheegay in rakaabkii saarnaa doonta xawaaraheedu dheeraa – afarta qof ee dhintay iyo lix kale oo dhaawacmay, oo sidoo kale ahaa muwaadiniin Cuban ah – ay rasaas ku fureen markab Arbacadii ku soo dhawaaday meel u dhow jasiirad ka baxsan xeebta waqooyi ee dalkaas.
Tobanka qof, oo qaarkood hore u haystay rikooro la xiriira falal dambiyeed, ayaa hubeysnaa waxaana loogu talagalay inay “fuliaan falal argagixiso oo iyaga loo adeegsanayo” ayaa lagu yiri bayaanka.
Xoghayaha Arrimaha Dibadda ee Mareykanka, Marco Rubio, ayaa sheegay in Mareykanku uu sidoo kale baarayo dhacdada “aan caadiga ahayn”.
Wasaaradda arrimaha gudaha ee Cuba ayaa aqoonsatay lixdii rakaab ee badbaaday, kuwaas oo tan iyo markaas la xiray, iyo hal rakaab ah oo la dilay.
Waxay intaa ku dareen in badankoodu “ay haystaan diiwaanno hore oo ku saabsan falal dambiyeed iyo rabshado ay geysteen “.